Arinbjörn Sigurgeirsson

Er bóndasonur frá Bjargi í Miðfirði, Húnaþingi vestra, fæddur í ágúst 1956, nú 56 ára.

Nám og störf, helstu atriði frá upphafi:
Landbúnaðarstörf, Iðnskólinn í Reykjavík, námssamningur vélvirkjun og sveinspróf (mest járnsmíði).
Lögregluskólinn og Lögreglan í Reykjavík frá 1977 og frá 1982. Rannsóknarlögregla ríkisins, vann við rannsóknir, yfirheyrslur, skýrslugerð og fleira. 
Sjóvá og Sjóvá-Almennar, tryggingauppgjör og rannsóknir tryggingasvika. 
Stúdentspróf frá Öldungadeild MH og svo eitt ár í lögfræði við HÍ. Námskeið í stjórnun. 
Viðskipta og rekstrarnám; fyrri hluti, framhald og próf í rekstrarfræði frá Endurmenntun HÍ. 
Sala fasteigna hjá Kjöreign.
Birgða- og rýrnunareftirlit og fleira á Hótel Sögu og Hótel Íslandi-Broadway hjá góðvini mínum Ólafi Laufdal og fjölskyldu hans. 
Tæknival,  sala, markaðsmál, gæða- og verkefnastjórnun. 
Hafnarfjarðarbær frá 1999; þrjú störf; fjármálastjóri Skólaskrifstofu, verkefnastjóri á rekstrarsviði við innleiðingu árangursstjórnunar, áætlanagerð, hagræðingu, ritstýringu greinargerða fjárhagsáætlana og fleira og gæðastjóri Hafnarfjarðarbæjar.
Fjölmörg námskeið í tölvumálum, gæðastjórnun og fleiru.

Persónulýsing og reynsla:
Jákvæður, úrræðagóður og vandvirkur - vil vinna að verðmætum verkefnum, gera réttu hlutina og sjá varanlegan árangur af vinnunni.
Mikil reynsla í mannlegum samskiptum, hópvinnu, hugmyndavinnu, útreikningum, textagerð, efnislegri endurskoðun og röðun lagagreina og öðrum slíkum krefjandi verkefnum, þar sem bæði þarf að hugsa opið og vítt, jafnt sem um skipulag, röðun, læsileika og vandaðan texta.

Áhugamál og annað:
Ferðalög, ljósmyndun, að spila og hluta á tónlist, lestur góðra bóka, ...
Aðstoð við einkarekstur eiginkonunnar Láru Davíðsdóttur: EVÍTA gjafavörur, sem fluttur var á Selfoss vorið 2012.
Badminton, fundir í Akóges-félaginu og fleira. Svo slakað á í Perlunni okkar í Grímsnesinu á milli.